FB Comment: തമാശയുടെയും റീഡബിലിറ്റിയുടെയും ക്വാളിറ്റി കൊണ്ട് എഴുത്തിൽ “ഡോൺ” ബ്രാഡ്മാൻ ആയ ഒരാൾ ചിറക്കടവ് നവധാര ക്ലബ്ബിലെ ഓപ്പണർ ദിനേശന്റെ ടെന്നീസ് ബോളു കളി കണ്ടു കമന്റ് പറഞ്ഞതുപോലെ ഉണ്ട് ഇപ്പോ.  സത്യം സത്യമായി ഞാൻ പറയുകയാണ്. കൊടകര പുരാണം വായിച്ചിട്ട് ചിരിച്ചതുപോലെ ഞാൻ വേറൊരു പുസ്തകവും വായിച്ചിട്ട് തലതല്ലി ചിരിച്ചിട്ടില്ല. നാഗമ്പടം പ്രൈവറ്റ് ബസ് സ്റ്റാൻഡിൽ പാർക്ക് ചെയ്തിരുന്ന ബസ്സിൽ വെച്ച് അത് വായിച്ച് പരിസരം മറന്നു പൊട്ടിച്ചിരിച്ച എന്നെ വട്ടാണോ എന്ന ഭാവത്തിൽ മറ്റു യാത്രക്കാർ നോക്കിയത് ഇപ്പോഴും ഓർക്കുന്നുണ്ട്. ഈ പോസ്റ്റ് ഞാനൊരു മെഡൽ ആക്കി എൻറെ കഴുത്തിൽ തൂക്കുന്നു. 

ചിരിപ്പിക്കുന്ന എഴുത്തിന് നിലവാരം കുറവാണ് എന്ന ഭാവത്തിൽ പുച്ഛിക്കുന്ന വരേണ്യന്മാർ രണ്ടുപേജ് ഹാസസാഹിത്യം എഴുതിയിട്ട് മറ്റുള്ളവരെ ഒന്ന് വായിച്ചു കേൾപ്പിക്കണം. അപ്പഴാ അതിൻ്റെ പണി മനസ്സിലാകുന്നത്. മലയാളത്തിൽ വായിക്കാൻ കൊള്ളാവുന്ന കുറച്ചു പുസ്തകങ്ങൾ സജസ്റ്റ് ചെയ്യാൻ ആരെങ്കിലും പറഞ്ഞാൽ എന്റെ ലിസ്റ്റിൽ കൊടകര പുരാണം തീർച്ചയായും ഉണ്ടാവും.